وافور چیلار ساقلیقنا

قشلاقا سلام

سلام اولسون سنه اوجا قشلاقم        سلام اولسون سنه یارالی داغم

کاشکی گینه داغدا ماللارون ساقم       گــــــینه مینیم گؤژل کهر آتووا

سلام اولســــون گؤژل آنا آتووا

 نــه لر گلدی دامدا گزَن لاتووا

سلام اولسون قشلاقداکی قالانا       سلام اولســون یاغلیینن یاوانا

سلام اولسون تا کی غیرت اویانا       سلام اولسون داغلمش الاتووا

سلام اولسون گؤژل آنا آتووا

نه لر گلدی دامدا گزن لاتووا

سلام اولسون ایلان یییَن داشلارا       آلچاق اوجا تپراقداکی باشلارا

قره گؤزه باشا چاتان قاشــــــلارا       باش توتمیین مال،داوار نوباتووا

سلام اولسون گؤژل آنا آتووا

نه لر گلدی دامدا گزن لاتووا

سلام اولسون قویون قاتخلارینا       زق اولرین دامجی آچخلارینا

ننه لرین کـــــــــهنه ساچاخلارینا       سلام اولسون هم تورکه هم تاتووا

سلام اولسون گؤژل آنا آتووا

نه لر گلدی دامدا گزن لاتووا

سؤوخ گئدیپ یای ایستیسی گلنده       قزلار گینه باغدا تره درنده

جاوانلارون یازاما اوتون بیــــــــــچنده       سلام اولسون«سرین تپراق چرتووا»

سلام اولسون گؤژل آنا آتووا

نه لر گلدی دامدا گزن لاتووا

هچ بیلمدیم باغدا گیلاس نجولدی       اوزوم گلدی گیردیکاندا گج اولدی

بیزه قالان گینه تک آردوج اولدی       نه لر گلدی قدیمــــــکی خیراتووا

سلام اولسون گؤژل آنا آتووا

نه لر گلدی دامدا گزن لاتووا

منچین دانش نه اولدی یلاقووا       آجی داشدان شیرین سو بلاقووا

اوت پارچاسی قدیمکی اوشاقووا       چوخلی چتینلیک گئچیپ حیاتووا

سلام اولسون گؤژل آنا آتووا

نه لر گلدی دامدا گزن لاتووا

گؤژل قشلاق جاوانلارون نه حالدا       بعضیسی خوش گونده بعضی زوالدا

بعضی قاباخ گلدی بعضیسی دالدا       حییف اولسون«قره سیز»ساعاتووا

سلام اولسون گؤژل آنا آتووا

نه لر گلدی دامدا گزن لاتووا

قره توتون گؤیَ قالخوب چخاندا       معتاد جاوان کول دیبیننن قاچاندا

نایلونداکی قره شیئی آچانــــــدا       بیر فکر ایله فایده سیز اوقاتووا

سلام اولسون گؤژل آنا آتووا

نه لر گلدی دامدا گزن لاتووا

گؤژل قشلاق جاوانلارون یاتپلار       آخی گئجه هم چکیپ هم آتپلار

خمار اولوب گینه بیر شیئ تاپپلار       پولی پولا تیریکیچین قاتپلار

سلام اولسون گؤژل آنا آتووا

نه لر گلدی دامدا گزن لاتووا

گؤژل قشلاق جاوانلارون بیکاردی       ایشده قالمر جاوان چونکی خماردی

سؤز باشینا باتمر لاپ بیر دواردی        سلام اولسون ماسلادا آل ساتووا

سلام اولسون گؤژل آنا آتووا

نه لر گلدی دامدا گزن لاتووا

«سلمان آزمون علی آباد»

تقدیم اولسون کندی سون ایگیدلره مخصوصا...

این داستان ادامه دارد...